ما رأيكم هل نحن هكذا؟

من طرف صيدلاني الأحد نوفمبر 18, 2007 7:37 am

[للدكتور صعب بن محمد الزعيمر الشراري {عكاظ} 528

حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون .

حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .

حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .

حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .

حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .

حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .

حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .

حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!

حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .

حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.

حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .

رغم الحقيقة والألم ..

حنا السعوديين أحسن المسلمين والعرب.( هيّن بس ) .!!

ملاحظة : كل المعلومات الواردة في المقال صحيحه وعلى حسب الإحصائيات

من طرف **Roo7** الأحد نوفمبر 18, 2007 9:14 am

صيدلاني أولاً أهلا بك معنا في منتداك سيدات جدة أخوان وأهل كلنا تجمعنا محبّة في الله

إن إطلاق كلام مثل هذا من دكتور له وزنه فالقصد منه التنبيه لتصحيح أوضاع اجتماعيّة تحتاج

لتسليط الضوء بصورة تعبيريّة مثل هذه حتى تصل لإدراك الناس..

للأسف الأنظمة الاجتماعيّة هي التي تفرض أكثر الصور تلك بطريقة لايملك المواطن فيها أي يد للتصحيح

إلا أنّ قضايا العادات وحدها..تحتاج همّة وتوجيه مثل صيحات هالدكتور لتغييرها

ففي السعوديين بذرات خير لم يُحسَن استغلالها بدليل التذبذب في الوصف الذي سمعناه

وفيهم أهل خير كثير في الخفاء

تمنيّاتي بصلاح الأحوال..

مرّة أخرى مرحباً بك بيننا أخي صيدلاني..وبانتظار مشاركاتك

من طرف الركن البعيد الأحد نوفمبر 18, 2007 9:14 am

أحي العزيز أولاً أهلا وسهلاً بك في منتدنا الغالي
ثانياً رغم من نقلت من المعلومات والتي تهز الكيان لكن نحمد الله عزوجل أن سخر لنا ولاة أمر يحكومون بكتاب الله وسنة نبيه عليه الصلاة والسلام
ورغم كل هذه الهفوات التي تمارس في مجتمعنا ولكن نحمد الله أننا الدوله الوحيده في دول العالم التي لا تزال متمسكة بدينها .
فمهم حدث فلا تزال المرأة مصانة في مجتمعنا وليست مثل المرأة الغربية التي تمتهن كرامته

تحيــــــــــــاتي

ما رأيكم هل نحن هكذا؟

ما رأيكم هل نحن هكذا؟

رد: ما رأيكم هل نحن هكذا؟

رد: ما رأيكم هل نحن هكذا؟